API SQ spesifikasiyası 31 may 2025-ci ildən qüvvəyə minib. LIQUI MOLY artıq Special Tec AA və Molygen New Generation seriyalarındakı bir neçə məhsulunu bu spesifikasiyaya uyğunlaşdırıb. Əsasən Amerika və Asiya avtomobilləri üçün nəzərdə tutulan bu mühərrik yağları, Amerika Neft İnstitutunun (API) ən son standartının tələblərinə cavab verir.

“Yeni API SQ spesifikasiyası əsasən yanacaq sərfiyyatının optimallaşdırılması, LSPI-yə qarşı daha yaxşı qoruma, artırılmış təmizləmə qabiliyyəti və kül əmələ gəlməsinin azaldılması mövzularına fokuslanır,” – deyə LIQUI MOLY-nin Yağ Laboratoriyasının müavini Oliver Kuhn bildirir.

Yanacağa qənaət mövzusu avtomobil istehsalçıları üçün önəmli olaraq qalır və bu, mühərrik yağlarına yüksək tələblər qoyur. Belə ki, API SQ əvvəlki API SP standartı ilə müqayisədə 16%-ə qədər daha yüksək effektivlik tələb edir.

Bundan əlavə, LSPI-yə (Low-Speed Pre-Ignition) qarşı qoruma önəmli yer tutur. LSPI – mühərrikdə, alışmadan əvvəl, yanacağın vaxtından əvvəl alovlanması deməkdir. Bu isə mühərrikdə zərbəli yanma və ciddi nasazlıqlara səbəb ola bilər. Ən çox risk altında olanlar birbaşa inyeksiya ilə işləyən müasir benzin mühərrikləridir. Oliver Kuhn izah edir: “İndiyə qədər LSPI-yə qarşı qoruma yalnız təzə yağda test olunurdu. Yeni API SQ isə yağın ümumi vəziyyətinə baxır. Yeni tətbiq edilən LSPI Aged Oil testi, artıq istifadə olunmuş və yaşlanmış yağlarda LSPI-yə qarşı qorumanı ölçür. Məhsullarımız bu testdən uğurla keçib.”

API SQ həm də oksidləşməyə və çöküntülərə qarşı daha yaxşı qoruma tələb etdiyi üçün porşenlərin daha təmiz qalmasını hədəfləyir. Oliver Kuhn deyir: “Yalnız təmiz mühərrik ideal işləyə bilər. Mühərrik nə qədər təmiz olsa, sistemin ümumi işi də o qədər yaxşı olar.”

Yeni spesifikasiya həmçinin emisiyaların azaldılmasını nəzərə alır. Kuhn bildirir: “Müasir benzin mühərrikli avtomobillər getdikcə daha çox partikül filtri (GPF/OPF) ilə təchiz olunur. Bu isə əsasən birbaşa inyeksiya ilə işləyən mühərriklərdə yaranan incə hislərə görədir.” API SQ spesifikasiyası, kül əmələ gəlməsinin azaldılması və filtrin tıxanmasının qarşısını almaq üçün mühərrik yağında maksimum 0.9% sulfat kül tərkibi tələb edir.

Həmçinin, API SQ ilə birlikdə çox aşağı temperaturda yağın nasosla çəkilə bilmə qabiliyyəti (MRV) üçün daha sərt limitlər tətbiq olunub.

API SQ ilə eyni tələblərə malik ILSAC GF-7 spesifikasiyası (International Lubricants Standardization and Approval Committee tərəfindən hazırlanıb) mart ayının sonunda qüvvəyə minib. LIQUI MOLY-nin yenilənmiş Special Tec AA və Molygen New Generation mühərrik yağları bu spesifikasiyaya da tam uyğundur.